Ramadan Favorite

مرحبا 

كل عام والجميع بألف خير .. تقبل الله منا و منكم صالح الاعمال

في هذا البوست بتكلم عن اهم البرودكتز اللي رافقتني طوال شهر رمضان

واستفدت منها ..

ايضا بتكلم بشكل عام عن مفضلاتي في هذا الشهر..

عنايتي ببشرتي

 هذا الشهر كانت معتمده 

على الترطيب بشكل كبير

لاني كنت مهمله بشرتي في فترة الاختبارات 

مرطب البشره

 Cetaphil 

هذا المنتج سبق و تكلمت عنه بالسناب 

من افضل الكريمات اللي جربتها لمعالجة 

جفاف البشره 

بدون رائحه و تمتصه البشره بشكل سريع ..

بصراحه مهما تكلمت عنه ماراح اوفيه حقه..

تلقونه بالصيدليات

كريم 

Fusibact B

مفيد للتخفيف من تهيج البشره والحساسيه 

انا استخدمه بعد ازالة الشعر بالليزر 

تلقونه بالصيدليات

مرطب الشفاه

Eos

طبعا غني عن التعريف 

والى الان يعتبر افضل لب بلام استخدمته

للشعر 

استخدمت كونديشنر 

Veganese From Lush 

مرطب خفيف على الشعر 

وريحته جميله

الميك اب 

طوال الشهر كنت معتمده على 

Summer cake كفاونديشن 

السبب انه سريع و خفيف على البشره 

ويعتبر هو الاقل ضررا على البشره من الفاونديشن الكريمي او السائل..

..لكن عيبها ان درجات الوان البودره محدوده 

ايضا 

اللي تعاني من حبوب بارزه او مشاكل في بشرتها 

ماينفع تستخدمها 

لانها تبرز العيوب اكثر و تغطيتها خفيفه جدا..

ماينفع ابدا للبشره الجافه ..

ايضا في براند اخرى مثل ماك- بودي شوب - فورايفر ميك اب 

توفر هذا الفاونديشن 

لميك اب الشفاه و البلاشر استخدم 

Benefit tint

اعتبره من مفضلاتي لكل السنه

وصفات وطبخات جديده 

اكثر الوصفات 

اللي حبيتها و جربتها 

موجوده في وصفات نور بالانستقرام 

تلقونها بالهاشتاق 

#وصفات_نور

اكثر شي حبيته 

 باي الدجاج او فطيرة الدجاج وايضا تسمى تارت الدجاج :)

المقادير:
بف باستري
٣ صدور دجاج مقطعه مكعبات صغيره
كوب سبانخ
١ بصل مفروم
بهارات ( كركم - كاري-فلفل اسود وملح وبهارات دجاج)
٣ بطاط مسلوقين و مهروسين مع ( ملح وفلفل اسود و شوية كمون +نص كوب حليب او اكثر شوي)
.
الخلطه البيضا:
١ كريمة طبخ+ملعقتين طعام جبن سائل+ملعقتين طعام كريمة حامضه ( اختياري)
.
الطريقه:
نحمس البصل تالي انضيف الدجاج والبهارات ..لما يستوي الدجاج انضيف السبانخ
.
نفرد عجينه البف باستري وانضيفها بقالب التارت
.
انضيف البطاط المهروس و فوقه الدجاج وتالي الخلطه البيضا .
وبعدين نفرد عجينه ثانيه واضيفها اخر شي ..ندهن البف باستري بصفار البيض ..وعالفرن لمدة تقريبا ٢٥ دقيقه .

و ايضا 

كيكة البسبوسه بالمهلبيه  

مقادير كيكة البسبوسة:
( كل المقادير راح يكون قياسها علبه الروب او الزبادي)
.
١ روب
١ علبة روب سكر
١ علبه روب سميد خشن
١ علبه روب زيت
١ علبه روب جوز الهند
٣/٤ علبه روب طحين
ملعقه وسط هيل
٢ بيض
ملعقه وسط باكنج بودر
.
نخلطهم مع بعض ونضع الخليط على قالب ندهن فيه زبده او نرش عليه السبري الخاص بالكيك ..وعالفرن ٢٠ الى ٢٥ دقيقه فوق وتحت بحراره ١٦٠
.
لما تستوي الكيكة نسقيها شوي قطر او شيره وننطرها تبرد وانضيف عليها المحلبيه
.
مقادير المحلبيه:
لتر حليب سائل
٤ ملاعق طعام نشا
ملعقه طعام هيل
٣/٤ كوب سكر
ملعقتين ماء ورد و زهر
.
نخلط جميع المقادير مع بعض ماعدا ماء الورد والزهر عالنار ..نستمر بالخلط لما يثقل الخليط ..انضيف ماء الورد والزهر ..اخر شي انضيف على البسبوسه وعالثلاجه لما تجمد المحلبيه
.
ويزين بالورد والفستق وجوز الهند️
.
وعوافي على قلوبكم️️

البرامج 

برنامج خواطر كالعاده 

هو المفضل عندي 

و للأسف هذا الموسم هو الاخير 

لذلك نقول 

#شكرا_احمد_الشقيري

تناول البرنامج على مدى 11 سنه 

مواضيع لتغذية العقل 

و كان ختامها هذا الموسم 

ليكمل الرساله التوعويه 

و هذا اللي شفناه بهذا الموسم 

شباب الهمهم البرنامج 

لتطبيق رسالة الاحسان..

دراما تشيللو 

القصه , التصوير  و الاخراج اكثر من رااااائع

الممثلين ابدعوا.. ابدعوا .. ابدعوا 

القصه تدور بين مثلث الحب

(تيمور (تيم حسن

(ياسمين (نادين نجم

(و زوجها (يوسف الخال

اخيرا 

سوشيال ميديا سيلبرتي 

استمتع بانستجرام

 لولوه العسلاوي من الكويت 

هالبنت ماشالله فاشن كوين 

و هذا اكاونتها بالانستقرام 

@lolo_al_aslawi

ايضا قناة 

 Chloe Morello

احب الميك اب توتريال اللي تسويها 

خصوصا انها تخصص بعض الفيديوز 

لتعليم ميك اب عيد الفطر 

مع انها غير مسلمه 

هنا الرابط فيه البلاي ليست لكل الفيديوز 

هذا كل شي

اتمنى تشاركوني بأفضل البرودكت اللي استخدمتوها  بفترة الصيف و بشهر رمضان 

افضل الطبخات 

وكل شي عجبكم هالفتره ..

تواصلوا معي بالكومنت بوكس 

او بحساباتي بالسوشيال ميديا ..