احد اسرار الجمال The Under Tone

ليش بنات حلوه عليهم الوان 

و بنات لا..

في بنات اذا وضعت ميك اب يبشعها

في حين بعض البنات يناسبهم تماما؟؟؟

وين السر 

وش اللي يفرق اي بنت عن الثانيه؟؟

درجة لون البشره ؟؟

اي صح درجة لون البشره تحدد اشياء كثيره 

لكن ماتحدد اي لون المفروض تختارينه ..

الاجابه 

انك لسى ماتعرفين لنفسك

و ايش اللي يناسبك 

كثير بنات يقولون

انا مو حلو علي الميك اب ..

او انا احلى بدون ميك اب 

لكن 

هذا غير صحيح

اذا كنتي تتسائلين 

وين السر 

هذه هي الاجابه 

اللي يحدد الالوان المناسبه لكل شخص 

هو مايسمى ب 

The under tone

بمعنى 

لو قسمنا الالوان الى مجموعتين :

المجموعه الدافيه: الاحمر و البرتقالي و الاصفر ..

المجموعه البارده: الازرق و الاخضر و البنفسجي ..

في بنات بغض النظر عن درجة لون بشرتها تناسبها المجموعه الحاره..

و في بنات تناسبهم البارده..

و في بنات محظوظين تناسبهم المجموعتين..

طيب كيف نعرف الاندر تون حقنا..

في عدة طرق 

اولها التجربه..

تفتحين دولابك و تجربين وتصورين نفسك بالوان من المجموعتين..

و تقارنين بين الصور

و تشوفين وين الالوان اللي طلعت اجمل عليك ..

الالوان البارده و لا الدافيه..

الطريقه الثانيه 

تطلعين بالشمس 

وتشوفين الوان العروق اللي بيدك 

اذا كان لونها مايل للازرق 

يعني الاندر تون حقك ازرق 

و المجموعه البارده تناسب لك اكثر 

 هذي صور لبعض المشاهير اللي ينتمون لنفس المجموعه

لكن

اذا كان لون العروق مايل للاخضر 

فالالوان الدافيه انسب لك

و هذي صور لبعض المشاهير اللي ينتمون لنفس المجموعه

اما 

اذا ماقدرتي تحددي هو ازرق او اخضر 

فالالوان من المجموعتين مناسبه لك  ..

طيب وش نستفيد 

انا اقولك 

اشياء كثيره 

الوان ملابسك 

صبغات الشعر 

الوان الميك 

و الارواج 

حتى لون الفاونديشن هل المفروض مايل على وردي او بيج 

يعني لو تسأليني مثلا

انا احب اللون الاحمر 

خلاص ماعاد احط روج احمر 

لا طبعا 

هنا انتي تشتغلي بذكاء

مثلا لو كنتي تنتمين للمجموعه البارده 

اذا جيتي تختارين الروج الاحمر 

تختارين احمر لكن الاندر تون حقه من المجموعه البارده 

ازرق مثلا 

اما اذا كنتي من الاندر تون الدافي 

تختارين الاحمر اللي من نفس المجموعه 

اللي الاندرتون حقه دافي 

برتقالي مثلا 

و راح اتكلم عن اختيار لون الروج المناسب في بوستات لاحقه ان شاء الله..

هذي الاشياء البسيطه 

تصنع فرق كبيييييير

في شكلك وطلتك 

انتظر مشاركتكم 

و تجربتكم 

THAT'S IT :)

 انتظر تعليقاتكم  

و اذا عندكم اي سؤال 

تواصلوا معي عن طريق 

الكومنت بوكس 

او عن طريق حساباتي بالسوشيال ميديا..

واذا اعجبكم الموضوع 

شاركوه مع احبابكم :) 

instagram: @samarbench

Twitter: @samarbench

Snapchat: Samar_1429

P.s: All images from the internet I don't own any of them ..If the owners of the photos mind, please contact me..